Vatn og íslendingar erlendis (Takmörkun stig 5)

Maður skilur núna hvurslags munaður það er að hafa nóg af vatni eins og íslendingar búsettir í heimahögunum hafa yfir að ráða. Eins og sönnum íslendingi sæmir sem er við það að fara að fá sér vatnsglas, þá er skrúfað frá kalda vatninu, skroppið á klósettið, kíkt í ísskápinn og eftir það athugað hvort kuldastigið á kalda vatninu sé mönnum bjóðandi. Vá, þvílíkur munaður. Hér er maður sektaður ef maður skrúfar með glottandi svip,  kæruleysislega frá krananum. Ég hef ekki lent í því.

Hér í Brisbane drekkur maður annaðhvort bjór eða rauðvín, því við erum á Water restriction level 5 og siglum hraðbyri í level 6. Svona til að gera okkur grein fyrir hversu alvarlegt stig 5 þýðir, þá má ekki vökva garðinn, það má ekki þvo bílinn nema úr fimm lítra fötu, við erum beðin um að hafa sturtuna á morgnana ekki lengri en 4 mínútur (Þeas ekki má syngja heilt lag í sturtu og eru menn beðnir um að syngja eingöngu viðlagið, ca tvisvar (ekki reyna að syngja eitthvað íslenskt því þau eru bara eitt viðlag)). Við erum með ca 40.000 lítra sundlaug og af því að við erum í húsi númer 25 sem er oddatala, þá megum við bara fylla á hana á þriðjudögum, fimmtudögum og sunnudögum. Ekki það að maður þurfi að nýta sér það, málið er að maður gleymir því, sem gerir það að verkum að maður gleymir því í næsta skipti einnig. Sem þýðir það að creepy crawlie er farinn að snörla eins og afdankaður bronkítissjúklingur á súlfa sem gerir mann vitlausan af hávaða, uns nágranninn bendir manni kurteisislega á að það vanti vatn í laugina. Whoa, cheers mate, thanks a lot mate! Didn´t notice!

Upp í Brisbane Valley er smá tjörn sem sér Brisbane búum fyrir vatni, þetta vatnsból var sérstaklega valið með tilliti til rigninga og þar af var síðan lagður heilmikill stokkur til vatnsdreifingar. Brisbane búar eru ríflega ein komma tvær milla, en þetta fræga vatnsból er eingöngu að skila vatni til miðkjarnans sem er kannski 5-600 þúsund. Allstaðar í kring er nóg af vatni. Nú síðan þetta vatnsból var valið þá hefur rignt allstaðar annarstaðar nema þar. Frekar fúllt. Nú stefnir allt í það að við fáum að nýta aftur þvag og annarskonar úrgang, að sjálfsögðu endurunninn. Mikið fagnaðarefni fyrir græningja, enda yfir hverju er verið að kvarta, ég spyr. Hindúar hafa gert þetta frá aldaöðli án aðstoðar endurvinnslunnar, No problem!

En ef ekkert verður gert hérna í neðra þá verður ekkert vatn árið 2009, þetta er svo slæmt. Þetta er bara smá pæling um það hvað mannskepnan vanvirðir vatn. Hinn lífsins elixír.

Komin tími til að fara að sofa. Bæjó.

Athugasemdir

[Gulla (IP-tala skráð) 11.5.2007 kl. 14:40]

Hummmm ég var að spá í og hugsa hvað þið hafið það rosalega erfitt þarna með þetta vatns vesen, hahahhahah alveg þar til ég las síðustu línuna

En ef ekkert verður gert hérna í neðra þá verður ekkert vatn árið 2009, þetta er svo slæmt.

Þá fattaði ég, ahhhahhh hann er að reyna að sporna við því að ég og minn her komum og dveljum jól og áramótin 2008-2009.  Þetta trix stoppar mig ekki í að koma , ég er vita lag laus þannig að ekki verð ég lengi í sturtu, við erum fræg fyrir að vera mikið gefin fyrir sopann og svo er líka vín ódýrt þarna úti, nú og síðast þegar við komum þá var bíl-pútan svo lítil sem við leigðum að hann hefði drukknað í þessum 5 lítrum, hvað lætin í lauginni varðar eru þau ekki svona svipuð og í helv....... svefn útbúnaðnum sem Frú Þóra þurfti að drössla með sér til ykkar þegar við vorum í hennar fylgdarliði ( erum vön þeim hljóðum ) , múúhahahahahha það er ekki neitt sem fælir mig frá þú verður að gera betur en þetta.   kv. frá Gullinu og co.